Në qytetin e Pejës, sonte pritet një sfidë mjaft interesante ndërmjet Pejës dhe Yllit, në kuadër të ndeshjes së dytë çerekfinale të Superligës së Kosovës në basketboll, shkruan Gazeta Sinjali.
Të dy skuadrat verdhezi luajnë vetëm për fitore, derisa kërkojnë të rikthejnë titullin në qytetet e tyre.
Ndeshja e parë në Therandë përfundoi me fitoren e pejanëve 71:77. Kjo ishte humbja e parë për therandasit, pas gjashtë fitoreve radhazi në elitë.
Skuadra që shënon dy fitore kualifikohet në gjysmëfinale, prandaj dueli i sontëm mund të jetë përcaktues për fatin e njërës prej tyre në garën për titull. Atmosfera në “Karagaçi” pritet të jetë elektrizuese, teksa tifozët vendas janë të vendosur ta shtyjnë ekipin drejt një tjetër fitoreje.