Sot nis zyrtarisht festivali i njohur, Eurovision Song Contest, i cili po mbahet në Malmo të Suedisë pas fitores së Loreen në edicionin e vitit të kaluar.
Sigurisht, Shqipëria nuk do të mungojë edhe sivjet në këtë festival madhështor të këngës dhe do të përfaqësohet nga Besa Kokëdhima me këngën “Titan”.
Pamjet nga performanca e saj tregojnë se paraqitja e përfaqësueses tonë do të jetë vërtet elektrizuese.
Shqipëria do të performojë në gjysmëfinalen e dytë që mbahet të enjten më 9 maj, si dhe Besa Kokëdhima do të këndojë e dyta.
Siç raportohet, 26 vende do të garojnë në finalen e madhe të Eurovisionit që mbahet të shtunën më 11 maj.
Franca, Gjermania, Italia, Spanja dhe Mbretëria e Bashkuar do të jenë automatikisht në finale, e gjithashtu Suedia që është nikoqire këtë vit.
Tradicionalisht, vendi fitues duhet të jetë nikoqir i festivalit derisa nuk ka nevojë që të kualifikohet për finale.