Këngëtarja shqiptare Soni Malaj ka rikthyer në vëmendje marrëdhënien e saj të dikurshme me Flori Mumajesin, duke treguar se presioni i madh mediatik ishte një nga arsyet kryesore që çoi në ndarjen e tyre.
Gjatë një bisede në spektaklin “Ferma VIP”, Soni rrëfeu se ajo dhe Flori përballeshin vazhdimisht me vëmendjen e mediave dhe kuriozitetin e publikut për jetën e tyre private.
Ajo tregoi se në një moment kishin vendosur të deklaronin një ndarje të rreme, madje edhe para familjarëve, vetëm për t’i shpëtuar interesimit të madh mediatik. Megjithatë, sipas saj, edhe kjo tentativë nuk funksionoi pasi ata u fotografuan së bashku dhe lajmi u publikua menjëherë në media.
“Presioni ishte shumë i madh dhe ne nuk dinim si ta menaxhonim atë situatë”, u shpreh këngëtarja, duke shtuar se në atë periudhë çdo detaj i jetës së tyre përfundonte në gazeta dhe televizione.
Soni Malaj dhe Flori Mumajesi kanë qenë në një lidhje nga viti 2005 deri në vitin 2009, ndërsa historia e tyre ka qenë ndër më të komentuarat në showbizin shqiptar.
Sinjali – aty ku e vërteta flet para lajmit!