Futbollisti me prejardhje shqiptare, Adnan Januzaj më në fund ka gjetur golin me Real Sociedadin.

Januzaj ka shënuar në ndeshjen ndaj Osasunas, ku e fitoi skuadra e tij me rezultat të pastër 0-2.

Fillimisht, shqiptari që përfaqëson Kombëtaren e Belgjikës dribloi mes tre futbollistëve, ku u faullua në sulm duke fituar penallti, të cilën pastaj e konkretizoi në gol (82′).

Për të parë golin: VIDEO

Real Sociedad me këtë fitore rimerr kreun e Laligës me 28 pikë, një më shumë Real Madrid.

Osasuna ka 19 pikë në pozitën e shtatë.  /Gazeta Sinjali Sporti/