image “S’kemi votuar me prishë Kosovën”, mërgimtari pishman që e mbështeti Kurtin
[wp-story id="814678"]

Sociale

“S’kemi votuar me prishë Kosovën”, mërgimtari pishman që e mbështeti Kurtin

news image

Mërgimtari Hamdi Krasniqi, që jeton në Austri, i cili ka vendosur që t’i ndajë nga 100 euro për të gjithë mësuesit e shkollës “Xhafer Gashi”, në fshatin Përçevë të Klinës, vetëm që mësimi të vazhdojë, ka pasur kritika ndaj Kurtit.

Mllefosja e tij vjen pasi tash e disa javë mësimi nuk po fillon si pasojë e mos-marrëveshjeve SBAShK-Qeveri.

Ai foli për moton e LVV-së në zgjedhjet e fundit parlamentare ‘Krejt dhe Drejt’, duke thënë se nuk kishte qenë fjala për ndryshim, por gjithçka qe mbrapsht.

“Edhe unë jam shqiptar sikur ju. Paguaj tatime, është bërë një ndryshim, ndryshimi ‘krejt dhe drejt’ s’është ndryshim, nuk ka rrymë në gusht, shkolla s’fillon. S’pe kuptoj, e pakuptimtë. Nuk ka asnjë arsyeje politike që me u mbyll shkollat. Duhet me i marrë do veteranë të politikës me i mësu se vyn edhe praktika. Na jemi shtet i vogël. Nuk e di pse s’del dikush që një muaj e gjysmë s’del dikush me thonë ‘hej kadale’”, shtoi ai.

Krasniqi i pati disa fjalë edhe për kryeministrin Albin Kurti, duke thënë se ky është i ri dhe se nuk ka përvojë në qeverisje. Prandaj, sipas tij duhet të bisedojë me disa veteranë të politikës që t’i mësojë “disa gjëra”.

“Edhe ky duhet me u mësu (Kurti), s’ka nevojë me shti edhe ky diçka sikur ata. Shkollat nuk mshilen, janë mbyllur në kohë të luftës dhe jo në kohë të paqes. E pakuptimtë. Sigurisht që ka ndryshuar bindja se na s’e kemi votuar me prishë Kosovën, kemi menduar që bëhet ma mirë, s’e kemi llogaritë që janë pa përvojë. Nuk guxon të udhëhiqet shteti me gabime”, shtoi ai në një intervistë në ATV.

/GazetaSinjali/