Një rrahje ka ndodhur sot, ku dy persona sulmojnë një vajzë në rrugën “Nënë Tereza” në Pejë.
Nga video e dërguar në adresë të Gazetës Sinjali shihet një grua dhe një djalë duke e rrahur një vajzë të re.
Për disa minuta ata vazhdojnë ta godasin vajzën në tërë trupin me boksa e shkelma.
Në video dëgjohen të njëjtit duke bërtitur.
Ndonëse ende nuk dihet arsyeja e kësaj rrahje, nga Policia e Kosovës në rajonin e Pejës për Gazetën Sinjali thanë se rasti deri në këto momente nuk është raportuar në Polici.
“Nuk ka ndonjë informacion për këtë rast, deri tani nuk është raportuar asgjë”, tha zëdhënësi i Policisë, Driton Rugova.
