Përgatitjet e kombëtares së Turqisë për Kupën e Botës janë shoqëruar me debat të gjerë në rrjetet sociale, pas publikimit të një videoje që ka shkaktuar reagime të shumta.
Pamjet, të cilat kanë qarkulluar në platformën X, dyshohet se tregojnë disa lojtarë të përfaqësueses turke në ballkonin e një hoteli pak orë para ndeshjes hapëse të Grupit D kundër Australisë në Vancouver.
Ende nuk është konfirmuar zyrtarisht se çfarë substance po përdornin lojtarët në video, ndërsa materialet e shpërndara online kanë nxitur spekulime të ndryshme, pa asnjë verifikim nga autoritetet apo federata përkatëse.
Në pamje shihen tre anëtarë të skuadrës, ku njëri prej tyre dyshohet se është mbrojtësi i Fenerbahçes, Çaglar Söyüncü, ndërsa dy lojtarët e tjerë nuk mund të identifikohen qartë.
Rasti ka marrë vëmendje të veçantë në Turqi, duke ngritur diskutime për disiplinën dhe fokusin e ekipit kombëtar në prag të një ndeshjeje të rëndësishme turneu.
Deri më tani, nuk ka pasur një reagim zyrtar nga federata turke apo stafi teknik i ekipit lidhur me videon.
Turqia pritet të zhvillojë ndeshjet e saj të grupit kundër Australisë, Paraguait dhe Shteteve të Bashkuara në ditët në vijim.
Sinjali – aty ku e vërteta flet para lajmit!