Aleanca Kosova e Re nuk ka arritur marrëveshje për koalicion zyrtar me Lidhjen Demokratike, shkruan Gazeta Sinjali.
Sekretari i AKR-së, Vesel Makolli, ka thënë për Gazetën Sinjali se i kanë pasur dy mundësi me LDK-në, fillimisht për koalicion e më pas për një listë të përbashkët.
“Kemi arritur marrëveshje vetëm për listë. Jemi në listën e tyre. S’ka koalicion. Presim t’i kemi 10 kandidatë për deputetë”, tha Makolli për Gazetën Sinjali.
Në anën tjetër edhe Lutfi Haziri nga LDK-ja tha për Sinjalin se kanë dashur që në zgjedhje të shkojnë pa koalicione parazgjedhore.
