Një baba i tre fëmijëve në Kitchener të Kanadasë, ka fituar një milion dollarë kanadeze në shortin Lotto Max më 18 tetor.
Gazmen Hashanit i është dashur të kontrollojë dy herë për t’u siguruar që i shihte gjërat saktë kur skanonte biletat e tij duke përdorur kontrolluesin e biletave, shkruan globalnews.ca.
“Bileta e fundit që kontrollova thoshte 1 milion dollarë. Nuk mund ta besoja dhe e skanova edhe dy herë të tjera. Kur tha të njëjtën gjë, e futa shpejt biletën në xhep”, shpjegoi 49-vjeçari.
Hashani shkoi në shtëpi dhe priti të vinte gruaja e tij për të ndarë lajmin.
“Kur i thashë se fitova 1 milion dollarë, ajo filloi të dridhej,” tha ai. “Ajo ishte shumë e lumtur dhe e emocionuar për familjen tonë”, tha Hashani.
Ai ka bërë të ditur se ka në plan të përdorë fitoren e tij të madhe për të bërë një paradhënie për një shtëpi.
“Trupi dhe mendja ime ndihen të qetë, një ndjenjë që nuk e kam përjetuar kurrë më parë”, tha ai.
