Një incident ka ndodhur orët e mbrëmjes të së shtunës, ku një lokal është kapluar nga zjarri për shkak të një shpërthimi, raporton Gazeta Sinjali.
Lajmin për Sinjalin e ka konfirmuar shefi i Brigadës së Zjarrfikësve në Prishtinë, Malë Gashi.
Ngjarja ndodhi në sheshin “Edit Durham” në Prishtinë, rreth orës 19:37, teksa Gashi ka dhënë detaje rreth këtij incidenti.
Sipas tij, shkaqet që kanë ardhur te shpërthimi dyshohet të kenë qenë nga një skuter elektrik që ishte ndodhur brenda lokalit, ku ka përfshirë më pastaj edhe disa orendi në lokal.
Tutje Gashi tha se sipas informacioneve që ka, nuk ka ndonjë person të lënduar.