Një raketë e kompanisë hapësinore Blue Origin, e themeluar nga Jeff Bezos, ka shpërthyer gjatë një testimi në platformën e lëshimit në Cape Canaveral të Floridas, duke shkaktuar alarm tek autoritetet dhe ekipet emergjente.
Incidenti ka ndodhur gjatë një “hotfire test”, procedurë standarde ku motorët e raketës aktivizohen para lëshimit, ndërsa pamjet nga vendi i ngjarjes kanë treguar një shpërthim të fuqishëm dhe formimin e një reje të madhe zjarri.
Blue Origin ka konfirmuar ngjarjen duke e cilësuar si “anomali gjatë testimit” dhe ka bërë të ditur se të gjithë punonjësit janë të sigurt dhe janë evakuuar në kohë.
Themeluesi i kompanisë, Jeff Bezos, tha se prioritet mbetet siguria e stafit dhe zbardhja e plotë e shkaqeve të incidentit, ndërsa ekipet teknike kanë nisur hetimet.
Autoritetet amerikane dhe Forcat Hapësinore të SHBA-së po bashkëpunojnë me kompaninë për të analizuar të dhënat dhe për të përcaktuar shkakun e shpërthimit.
Sipas njoftimeve zyrtare, nuk ka rrezik për publikun, ndërsa incidenti ka ndodhur gjatë përgatitjeve për një lëshim të ardhshëm raketor.
Sinjali – aty ku e vërteta flet para lajmit!