Banorët e rrugës “Gazmend Zajmi” dhe ata të lagjes “Mati 1” në kryeqytet, këtë javë është dashur të shpejtojnë për ta kaluar lagjen e tyre kur kanë dalur nga shtëpia.

Shpërthimi i kanalizimit ua ka prishur rehatinë me kundërmimin e tmerrshëm banorëve të rrugës “Gazmend Zajmi” për tri ditë me radhë. Megjithatë, pas raportimit të Sinjalit dje, Komuna e Prishtinës e ka sanuar problemin ditën e sotme.

Por një rast tjetër është raportuar sot. Tani janë banorët e lagjes “Mati 1”, më saktësisht ata në rrugën “Uran Ajeti”, të cilët po përballen me shpërthimin e kanalizimit që ka përshkuar rrugën kryesore, shkruan Sinjali.

Banorët e lagjes janë ankuar se po kundërmon erë e rëndë. Ndërsa në fotografitë e siguaruara nga Sinjali, vërehet gjendja e tmerrshme e rrugës që është ‘larë’ me ujëra të zeza. /Sinjali