Ministri i Punëve të Brendshme, Xhelal Sveçla ka shpërndarë lejeqëndrimet e para me afat pesë vjeçar për shtetasit e Republikës së Shqipërisë.
“Me këtë marrëveshje, shtetasit e dy vendeve përfitojnë lejeqëndrimin e përkohshëm me afat pesëvjeçar dhe kanë lehtësim të theksuar të kritereve për pajisje me lejeqëndrim, me vetëm një dokument udhëtimi dhe deklarim adrese, ulje të theksuar të tarifave të shërbimeve”, thuhet në njoftimin e MPB-së
Deri tani lejeqëndrimi ishte me afat njëvjeçar ku shtetasit duhej të ri aplikonin për çdo vit.
