Një denoncim i bërë nga një grua në Shtime ka çuar në arrestimin e një 33-vjeçari, i cili dyshohet se e kishte ngacmuar vazhdimisht.
Burimet e Gazetës Sinjali bëjnë me dije se një grua me inicialet Y.D. ka raportuar në Polici se një burrë nga Shtimja kishte shkuar në shtëpinë e saj dhe e kishte ngacmuar, ndërsa sipas saj, i njëjti veprim nuk kishte ndodhur për herë të parë.
Pas kallëzimit të viktimës, rasti është trajtuar nga hetuesit e Stacionit Policor në Shtime, të cilët kanë ndërmarrë veprime hetimore për sqarimin e rrethanave.
Më 16 qershor, i dyshuari me inicialet G.P. është shoqëruar në polici dhe është intervistuar lidhur me pretendimet e ngritura ndaj tij.
Pas konsultimit me Prokurorin kujdestar të Prokurorisë Themelore në Ferizaj, është vendosur që ndaj tij të shqiptohet masa e ndalimit për 48 orë, ndërsa rasti është iniciuar si “Ngacmim”.
Hetimet për rastin janë duke vazhduar.
Sipas denoncimit, ngacmimet kishin nisur më herët. Vizita e fundit në shtëpinë e viktimës bëri që rasti të përfundojë në Polici dhe i dyshuari në mbajtje.
Sinjali – aty ku e vërteta flet para lajmit!