Reshjet e dendura të shiut kanë shkaktuar dëme në disa zona të Kosovës.
Një banor nga Gllogjani i ka dërguar pamje Gazetës Sinjali, ku shihet se si era e fortë dhe shiu i rrëmbyeshëm i kanë rrëzuar qeramidhet e kulmit të shtëpisë së tij.
Në pamjet e dërguara shihet një pjesë e kulmit e dëmtuar, ndërsa ende nuk dihet nëse ka pasur dëme të tjera materiale në këtë zonë.
Mot i paqëndrueshëm me reshje të shiut dhe erëra të forta është raportuar gjatë ditës në disa pjesë të vendit. Banorëve u është bërë thirrje të tregojnë kujdes për shkak të mundësisë së dëmtimeve nga kushtet atmosferike.
Sinjali – aty ku e vërteta flet para lajmit!