Nuk kanë shkuar siç duhet punimet në një objekt ndërtimor në Shkup. Mosmarrëveshjet mes punëtorëve nga vende të ndryshme, kanë përfunduar me sherr masiv e përdorim të sendeve të forta e mjeteve të punës.
Ngjarjen e kanë denoncuar në polici d punëtorë nga rrethina e Shkupit, sipas të cilëve 4 punonjës nga Turqia i kanë sulmuar me sende të forta.
Rasti po hetohet nga policia. Katër punëtorët turq janë ndaluar në stacionin policor.
“Më datë 11.01.2023 në ora 17:30 në zonën e Qendrës nga SPB Shkup janë ndaluar M.K (33), J.K (19), A.K (42) dhe A.T (36), të gjithë nga Republika e Turqisë, pas një kallëzimi nga K.J (44) dhe J.J (22), të dy nga fshati Çiflik i Shkupit”, njofton Ministria e Brendshme.
Më tej MPB njofton se sipas denoncimit, rreth orës 11:00 para një objekti në ndërtim në zonën e Qendrës, derisa kanë qenë duke kryer punë ndërtimore, pas një keqkuptimi, janë sulmuar fizikisht me sende të forta nga të pandehurit të cilët gjithashtu po kryenin punime ndërtimore në objekt. Pas dokumentimit të plotë të rastit, do të dorëzohet një parashtresë përkatëse.
