Gjykata e Lartë e Beogradit e dënoi anëtarin e dyshuar të Ushtrisë Çlirimtare të Kosovës gjatë kohës së luftës, Petrit Dula, me dy vjet burg për pjesëmarrje në rrahjen e një civili në Kosovë në vitin 1999.
Gjyqtarja Snezana Nikoliq Garotiq i tha Gjykatës së Lartë të Beogradit të martën se Petrit Dula u shpall fajtor për kryerjen e një krimi lufte, sulm ndaj një civili në një fshat afër qytetit të Gjakovës në Kosovë në qershor 1999.
Nikoliq Garotiq tha se Dula u dënua në bazë të dëshmive të dëshmitarëve dhe se ai kishte marrë një dënim të lehtë për shkak të rrethanave lehtësuese.
“Gjykata e uli dënimin sepse mori parasysh rrethana të shumta lehtësuese si rrethanat familjare të të akuzuarit dhe qëndrimi i tij ndaj krimit”- shpjegoi ajo.
Sipas aktakuzës, në gjysmën e dytë të qershorit 1999, pjesëtari i supozuar i Ushtrisë Çlirimtare të Kosovës, Dula, së bashku me disa persona të paidentifikuar, kapën me forcë civilin Gazmend Kryeziu nga një shtëpi në një fshat afër qytetit të Gjakovës në Kosovë.
E kanë çuar në shtëpinë e Dulës, ku Dula e ka keqtrajtuar në mënyrë çnjerëzore civilin, e ka dhunuar fizikisht dhe e ka plagosur.
Aktakuza pretendonte se Dula e goditi Kryeziun me shkop bejsbolli, i hodhi një shishe dhe e goditi sipër veshit të majtë me një shishe të plotë, ndërsa ai ishte ulur në një karrige me duar të lidhura, ndërsa pjesëtarët e tjerë të UÇK-së e goditën me kondakë pushke dhe e goditi me grushte dhe shkelma.
Më vonë ata e transportuan atë në një shtab të UÇK-së në fshatin Babaloq, ku anëtarë të tjerë të panjohur të UÇK-së vazhduan ta abuzonin dhe pyesnin se ku ishin varrosur ushtarë të tjerë dhe të afërmit e tyre që vdiqën gjatë luftës dhe nëse ai mori pjesë në luftë nga pala serbe.
Ai u lirua të nesërmen me urdhër të komandantit të paidentifikuar të shtabit të UÇK-së në Babaloq.
Dula u deklarua i pafajshëm në fillim të gjyqit në shtator.
Ai pretendoi se nuk ishte pjesëtar i UÇK-së dhe se nuk kishte armë e as uniformë. Ai po ashtu ka thënë se gjatë luftës së Kosovës ka qenë në Bullgari.
Megjithatë, gjyqtarja Garotiç tha se gjykata vërtetoi se ai ishte anëtar i UÇK-së.
Ai u dënua pavarësisht se viktima e dyshuar Kryeziu tha në gjykatë në tetor se i pandehuri “nuk është ai njeriu” që mori pjesë në rrahjen e tij.
Ai mohoi që ai specifikisht e emëroi Dulën si një nga autorët kur u mor në pyetje nga hetuesit serb në Podgoricë në vitin 2011.
Dy dëshmitarë të tjerë – që thuhet se janë bashkëshortet e Kryeziut – ndryshuan gjithashtu dëshmitë e tyre gjatë gjyqit në Beograd për të mos inkriminuar Dulën.
Por Nikoliq Garotiq tha se një nga hetuesit që fillimisht mori dëshmitë në vitin 2011 i tha gjykatës se ata flisnin lirshëm dhe se procesverbali i dëshmisë së tyre iu lexua përsëri, raporton BalkanInsight.
