Ministri i Drejtësisë, Selim Selimi, ka kritikuar sistemin e drejtësisë në Kosovë, pas vendimit për uljen e dënimit për Pjetër Ndrecajn, vrasësit të bashkëshortes dhe vajzës, shkruan Gazeta Sinjali.
Ai ka thënë se politika e dënimeve mbetet një nga sfidat e sistemit të drejtësisë në Kosovë dhe se drejtësia në vend nuk është e përkryer.
“Drejtësia në vend nuk është e përkryer, por me të gjitha sfidat, mbetemi të përkushtuar dhe vazhdojmë me guxim që ta avancojmë sistemin e drejtësisë.”, ka thënë Selimi.
Ndrecaj në nëntor të vitit 2018 ishte dënuar me 24 vjet burgim.
Por në mars të vitit 2019 Gjykata e Apelit e kishte ndryshuar aktgjykimin e shkallës së parë duke e dënuar atë me burgim të përjetshëm për vrasjen e bashkëshortes dhe vajzës së tij, në fshatin Brekoc të Gjakovës.
Ndërsa dje Gjykata Themelore në Gjakovë e ka dënuar me 24 vjet e 6 muaj burgim.
