Së paku 22 civilë janë vrarë në Nigerinë jugperëndimore të dielën nga disa burra të armatosur.

Ngjarje kjo më pak se një javë pasi sulmuesit e paidentifikuar vranë 58 fshatarë në të njëjtin rajon.

Sulmuesit bastisën tre fshatra në rajonin Tillabery, i cili kufizohet me Malim dhe Burkina Faso. Një burim sigurie tha për Reuters se luftëtarët e Shtetit Islamik ishin përgjegjës, ndërsa dy burime lokale nuk thanë kush qëndron pas tij.

Filiali lokal i Shtetit Islamik është aktiv në zonë dhe është fajësuar për sulmet e mëparshme që vranë dhjetëra civilë dhe ushtarë.

Alfouzazi Issintag, kryetar i Tillia, komuna rurale të cilës i përkasin fshatrat, konfirmoi për Reuters se kishte pasur “shumë vdekje”, por nuk specifikoi sa. /Gazeta Sinjali/