Samsung pritet të prezantojë këtë vit modelin më të ri të palosshëm, Galaxy Z Fold7 Ultra, për të cilin është publikuar edhe teaseri i parë zyrtar.
Ky model do të debutojë përkrah Z Fold7, Z Flip7 dhe Z Flip7 FE, ndërsa lansimi pritet të ndodhë në fillim të korrikut, gjatë një ngjarjeje live në Nju Jork, raporton Telegrafi.
Z Fold7 Ultra vjen me dizajn më të hollë se paraardhësit – më i hollë se Fold6 (5.6 mm i hapur) dhe Special Edition (4.9 mm). Po ashtu, Samsung premton një kamerë të përmirësuar, që pritet të rivalizojë edhe atë të modelit Vivo X Fold3 Pro.
Ky model ishte parashikuar të publikohej që me gjeneratën Z Fold6, por u shty. Në vend të tij, Samsung solli Z Fold Special Edition (Samsung W25 në Kinë), me ekran 8 inç dhe kamerë 200 MP, në një trup më të hollë dhe të lehtë – specifika që mund të ndikojnë edhe te versioni Ultra.
Sinjali – aty ku e vërteta flet para lajmit!