Rusia ka lëshuar “më shumë se 480” raketa në Ukrainë që nga fillimi i pushtimit, thotë zyrtari amerikan i mbrojtjes.
Rusia ka lëshuar “më shumë se 480 raketa të të gjitha madhësive” në Ukrainë që nga fillimi i pushtimit të saj në Ukrainë, tha sot një zyrtar i lartë i mbrojtjes amerikane, shkruan CNN.
Pushtimi është në ditën e tetë.
“Më shumë se 230” nga ato 480 gjithsej “vinin nga brenda Ukrainës”, tha zyrtari.
“Ata kanë sisteme celulare, po i zhvendosin brenda”, shtoi zyrtari.
Pjesa tjetër më e madhe e raketave vijnë nga Rusia, “rreth 160 nga Rusia” dhe rreth 70 vijnë nga Bjellorusia, dhe një numër shumë i vogël – më pak se 10 – vijnë nga Deti i Zi, shtoi zyrtari.
Ndërsa hapësira ajrore mbi Ukrainën “mbetet e kontestuar”, SHBA vlerëson se “sistemet e mbrojtjes ajrore dhe raketore të Ukrainës mbeten të paprekura” dhe “mbeten efektive”, tha zyrtari.
“Ata vazhdojnë të jenë në gjendje të fluturojnë me aeroplanët e tyre dhe të përdorin mjete të mbrojtjes ajrore”, përfundoi ai.
