Policia ruse ka arrestuar dhjetëra persona që protestuan kundër udhëheqjes së presidentit Vladimir Putin.
Protestuesit janë mbështetës të kritikut më të madh të Putinit, Alexey Navalny, i cili pasi i mbijetoi helmimit me agjent nervor, u arrestua në Aeroportin Sheremetyevo të Moskës dhe u dërgua në Burgun e Sigurisë së Lartë, shkruan AFP, përcjell Gazeta Sinjali.
“Putini është hajdut” dhe “Liri për Navalnyn”, ishin brohoritjet kryesore në protesta, të cilat pritet të vazhdojnë ditëve në vijim.
Ndryshe, përkrahësit e Navalnyt po pretendojnë se presidenti rus ka një pronë të madhe në Detin e Zi që kushton 1.4 miliardë dollarë dhe kanë publikuar një hetim për këtë çështje, duke pretenduar se kjo pronë është rezultat i korrupsionit.