Vendi, i cili kishte një qasje të ndryshme nga të tjerët, duke lënë shumicën e shkollave, restoranteve dhe bizneseve të hapura gjatë pandemisë, ka parë një rritje graduale të sëmundjes që nga fillimi i shtatorit, duke prishur shpresat për të ashtuquajturin “imunitet kolektiv”.

Në 24 orët e fundit ky shtet ka raportuar 1 mijë e 75 raste të reja të këtij infeksioni.

Epidemiologu suedez Anders Tegnell tha se rritja e rasteve duhet të merret më seriozisht.

Agjencia e Shëndetit Publik kërkon nga të gjithë që të shmangin transportin publik nëse është e mundur – të ecin, biçikletë ose makinë private. Nëse ata me të vërtetë duhet të përdorin transportin publik, rekomandohet që të shmangin “orën e pikut” dhe të mbajnë distancë, si në transportin publik ashtu edhe në stacione.

Rregulla të tjera zbatohen në restorante, bare dhe klube të natës. Megjithëse lejohen më shumë se 50 persona, këto vende duhet të kenë masa të tjera për të kufizuar turmat, me vetëm shërbimin e tryezës dhe hapësirën ndërmjet tyre.

Suedezët gjithashtu duhet të testohen nëse simptomat zgjasin më shumë se 24 orë. Nëse ata janë pozitivë, ata duhet të qëndrojnë në shtëpi për të paktën shtatë ditë pas simptomave të para dhe të paktën dy ditë pasi temperatura e trupit të tyre të kthehet në normale, sipas Agjencisë së Shëndetit Publik.

Nëse testi është negativ, ata duhet të qëndrojnë ende në shtëpi derisa të jenë plotësisht asimptomatikë. /Gazeta Sinjali/