Pandemia ka gjunjëzuar gjithë botën për shkak se ende nuk është gjetur vaksina, shifra marramendëse e të infektuarve me Covid-19 po shkon drejt 9 milionë të prekur anembanë globit.

SHBA-ja kryeson listën famëkeqe me mbi 2.3 milionë të infektuar nga pandemia dhe me rreth 122 mijë viktima.

Surpriza e kohëve të fundit ishte Brazili, ku po shënohen mbi 25 mijë të infektuar në ditë, duke e çuar totalin në mbi 1 milion të prekur, me mbi 50 mijë viktima.

Rusia renditet e treta me rreth 584 mijë të infektuar, me rreth 7700 të prekur ditorë. Numri i viktimave është gjithsej 8111.

Një tjetër surprizë e pandemisë është India. Në këtë vend shpërtheu menjëherë koronavirusi, duke regjistruar mijëra të infektuar në ditë, duke e çuar totalin deri tani në mbi 421 të prekur.

Në pesëshen më të rrezikshme futet dhe Britani, që tani vala e vrullshme e sëmundjes është ulur, por gjithsesi shifra e përgjithshme mbetet e lartë, mbi 304 mijë të prekur dhe mbi 42 mijë viktima.

Deri tani në të gjithë botën janë rreth 9 milionë të infektuar nga Covid-19. Betejën me sëmundjen e kanë humbur mbi 467 mijë persona. Ndërsa të shëruar zyrtarisht figurojnë mbi 4.7 milionë njerëz./ Gazeta Sinjali/