Bashkëshorti i kandidates së PD, Elda Hoti, është arrestuar së bashku me Amarildo Jushi pas një incidenti të ndodhur në Rrëshen. Ata janë kapur në flagrancë nga specialistët për Hetimin e Krimit në Komisariatin e Policisë Mirditë, shkruan Gazeta Sinjali.
Të dy janë arrestuar për veprat penale: “Pengimi i qarkullimit të mjeteve të transportit”, “Drejtimi i automjeteve në mënyrë të parregullt”, “Vetëgjyqësia” dhe “Kanosja apo dhunimi ndaj pjesëmarrësve në zgjedhje”.
Arrestimi ka ndodhur pas një incidenti të ndodhur më 10.05.2025, rreth orës 20:20, kur shtetasit L.N. dhe A.J. bllokuan rrugën e automjetit të shtetasve R.K. dhe A.D., të dy banues në Rrëshen, me pretendimin se ata po kryenin veprimtarinë e blerjes së votave. Pas ndërhyrjes së policisë dhe shoqërimit të palëve në Komisariat, janë gjetur dhe sekuestruar lista të dyshuara si lista zgjedhësish, ndërsa në automjetin e R.K. nuk janë gjetur prova të kundërligjshme.
Po ashtu, gjatë kontrollit të automjeteve, është konfirmuar se L.N. drejtonte automjetin nën ndikimin e alkoolit, ndërsa dy drejtuesit e tjerë ishin të dehur. Materialet janë referuar Prokurorisë pranë Gjykatës së Shkallës së Parë të Juridiksionit të Përgjithshëm Lezhë për veprime të mëtejshme.
Sinjali – aty ku e vërteta flet para lajmit!