Rrahjet mes vajzave në moshën e adoleshencës në qytetet e Kosovës nuk janë edhe të pakta. Së fundmi ka ndodhur edhe një rast i tillë në qytetin e Pejës ku një vajzë është rrahur me një tjetër në stacionin e autobusëve, raporton Gazeta Sinjali.
Sinjalizues të Gazetës Sinjali kanë dërguar pamje nga vendi i ngjarjes, teksa dy vajza shihen duke u rrahur brutalisht dhe njëra i përplas kokën për toke tjetrës.
Në videot e siguruara nga Sinjali, shihet se pas disa minutave mblidhet turma për ta ndaluar vajzën që sulmonte tjetrën, megjithatë me vështirësi ndahen.
Gazeta Sinjali ka kontaktuar me Policinë e Kosovës, mirëpo të njëjtit kanë thënë se një rast i tillë nuk është raportuar ende, por që janë angazhuar njësitë përkatëse për të mbledhur informacione.
Sinjali do t’ju mbajë të informuar.