Siç është raportuar, marrëveshja mes Shteteve të Bashkuara dhe Iranit për zgjatjen e armëpushimit ka hyrë në fuqi dhe përfshin 14 pika kryesore.
Një nga elementet më të rëndësishme të saj është rihapja e Ngushticës së Hormuzit.
Shtetet e Bashkuara kanë bërë të ditur se do të nisin heqjen e bllokadës së tyre detare, ndërsa marrëveshja parasheh që kjo bllokadë të përfundojë plotësisht brenda 30 ditësh.
Nga ana tjetër, Irani është zotuar se do të ndërmarrë të gjitha përpjekjet e nevojshme për të siguruar kalimin e lirë dhe të sigurt të anijeve tregtare nëpër Ngushticën e Hormuzit, pa u ngarkuar tarifa, për një periudhë prej 60 ditësh.
Ndër pikat e tjera të marrëveshjes, Irani ka pranuar të mos sigurojë apo blejë armë bërthamore, ndërsa SHBA-ja është angazhuar të heqë të gjitha sanksionet ekonomike ndaj Iranit.
Dy vendet kanë rënë dakord gjithashtu të punojnë drejt arritjes së një marrëveshjeje përfundimtare brenda një afati maksimal prej 60 ditësh, me mundësinë e zgjatjes së këtij afati nëse të dyja palët japin pëlqimin e tyre.
Raportuesi ynë nga Shtëpia e Bardhë ka analizuar në detaje përmbajtjen e kësaj marrëveshjeje.
Sinjali – aty ku e vërteta flet para lajmit!