Ka ndodhur një moment prekës kur një ushtar ukrainas u ribashkua me djalin e tij të vogël pasi ndihmoi për të çliruar qytetin e tij nga kontrolli rus.
Mediat e huaja tregojnë pamje emocionale ku babai i veshur me rrobat e tij të ushtrisë hedhë armën në tokë dhe gjunjëzohet për ta përqafuar djalin e tij.
Një video tjetër u kap në momentin kur një nënë pa djalin e sajë për herë të parë që kur fshati i saj, Kozcha Lopan, u pushtua nga Rusia gjashtë muaj më parë.
Ajo vrapoi drejt tij duke thënë: “E dija që do të ktheheshit në shtëpi, një nga lulet e mia lulëzoi”, tha ajo ndërsa përshëndeti djalin e saj.
Këto ribashkime u bënë të mundura për shkak të kundërofensive mahnitëse të fundit të Ukrainës, e cila ka rimarrë pjesë të mëdha territori.
Volodymyr Zelenskyy thotë se ushtria e tij ka çliruar një pjesë të madhe të territorit deri më tani këtë muaj.
Megjithatë, pas gati gjashtë muajsh nën pushtimin rus, Izium është lënë kryesisht i shkatërruar.
Rusia konfirmoi tërheqjen e saj, por më parë pretendoi se ushtarët ishin tërhequr si pjesë e një lëvizjeje të planifikuar paraprakisht.
Por Ministria Britanike e Mbrojtjes (MoD) përshkroi një pamje shumë të ndryshme, duke raportuar se si “disa njësi ishin tërhequr nën kontroll”, ndërsa “të tjera u larguan në panik të dukshëm”.
