Shërbimi Spitalor Klinik Universitar i Kosovës (SHSKUK), ka njoftuar se për shkak të reshjeve të vazhdueshme në dy klinika është grumbulluar sasi e ujit.
“Si pasojë e reshjeve të vazhdueshme të shiut me intensitet të lartë, në tavanin e Klinikës së Syve dhe atë të Otorinolaringologjisë është grumbulluar sasi e ujit. Gjatë largimit të ujit nga Sektori Teknik i QKUK-së, ka ndodhur rrjedhja në dy klinikat në fjalë, por që nuk e ka penguar punën, meqë pacientët kanë marrë shërbimet shëndetësore.”, thuhet në njoftimin e SHSKUK.
Reshjet e shumta deri tash kanë shkaktuar shumë dëme në pjesë të ndryshme të Kosovës.
