Real Madridi anuloi pjesëmarrjen në ceremoninë e Topit të Artë 2024 sot në Paris, pasi u njoftua se lojtari i klubit të tyre, Vinicius Jr nuk do ta fitojë çmimin prestigjioz.
Klubi madrilen ka qenë i indinjuar me këtë rast.
Sipas asaj që ka dëgjoi ESPN nga burime të lidhura me klubin, braziliani të mos marrë nderin në eventin e promovuar nga revista France Football , në partneritet me UEFA-n , është “e padrejtë” dhe “e turpshme”.
I njëjti burim konfirmoi se vendimi për të mos marrë pjesë në Théâtre du Châtelet ishte një formë proteste, për atë që u quajt “një grabitje historike”.
Përveç brazilianit, Jude Bellingham, Dani Carvajal, Kylian Mbappé, Antonio Rudiger dhe Federico Valverde ishin lojtarë të tjerë të Realit që ishin në mesin e finalistëve për Topin e Artë.
Andriy Lunin, nga ana tjetër konkurron si portieri më i mirë, Arda Guler për trofeun Kopa për lojtarin më të mirë të ri dhe Carlo Ancelotti si trajneri më i mirë.
Real Madridi do të merrte një fluturim për përfaqësuesit e tij në çmim, një plan që u ndryshua pas informacionit se Rodri do të fitonte trofeun kryesor.
Vinicius Jr u pa si favorit për Topin e Artë, pasi fitoi La Ligan dhe Champions League sezonin e kaluar, duke luajtur një rol vendimtar në të dyja.
Braziliani shënoi 15 gola në kampionatin spanjoll, përveç gjashtë në sezonin evropian, duke përfshirë golat në gjysmëfinale kundër Bayern Munich dhe në finale kundër Borussia Dortmund.
Rodri, nga ana tjetër, fitoi Premier League, Kupën e Botës për Klube dhe Superkupën e UEFA-s me Qytetarët, si dhe Kampionatin Evropian me kombëtaren spanjolle.
Nëse spanjolli fiton çmimin kryesor, “thatësira” e gjatë e Brazilit në Topin e Artë do të vazhdojë. Lojtari i fundit nga vendi që fitoi nderin nga France Football ishte mesfushori Kaká , atëherë lojtar i Milanit, në 2007.