Kryeparlamentarja, Vjosa Osmani përmes një postimi në Facebook ka thënë se Kosova po kalon dy pandemi, në atë të koronavirusit si dhe pandeminë e politikanëve të papërgjegjshëm.

Ajo është shprehur se përveç higjienës fizike, është me rëndësi të mbahet edhe higjienë mentale nga përpjekje të ndryshme për kontaminim nga shpifës e shantazhues.

Osmani këto deklarata i ka bërë pas akuzave të nënkryetarit të LDK-së, Agim Veliut, i cili e ka quajtur Osmanin përkthyese të presidenti Thaçi, shkruan Gazeta Sinjali.

Veliu pasi e akuzoi kryetaren e Kuvendit, Vjosa Osmanin se është bërë bashkë me LVV-në për ta sulmuar LDK-në, ai ka thënë se do të publikojë “fakte tjera të reja nëse ajo vendos me u marrë me mua prapë”.

Postimi i saj i plotë:

Vendi ynë po kalon dy pandemi: atë të Coronavirusit si dhe pandeminë e politikanëve të papërgjegjshëm.

Prandaj këto ditë, përveç higjienës fizike, është me rëndësi të mbajmë edhe higjienë mentale nga përpjekje të ndryshme për kontaminim nga shpifës e shantazhues. Në të dyja betejat, #Dojadalim ????????.