Një ngjarje e rëndë ka ndodhur sot në fshatin Rufc i Ri në Lipjan ku dyshohet se janë vrarë tre persona, shkruan Gazeta Sinjali.
Rasti është konfirmuar për Sinjalin nga zëdhënësja e Policisë për Rajonin e Prishtinës, Flora Ahmeti.
Ajo tha se Policia ka hasur në tre trupa të pajetë, vdekja e cilëve është konstatuar nga ana e ekipit mjekësor.
“Rreth orës 16:30 policia ka pranuar informatën për tre persona të pajetë në fshatin Rufc të Lipjanit.
Menjëherë pas marrjes së informatës, Policia ka dalë në vendin e ngjarjes ku janë hasur tre trupa të pajetë.
Vdekja e të cilëve është konstatuar nga ana e ekipit mjekësor. Aktualisht policia ka nisur një hetim për rastin dhe rrethanat që karakterizojnë ngjarjen”, tha Ahmeti.