image Rama: Të lumtur që lëshuam lejen për ndërtimin e Xhamisë Qendrore në Prishtinë

Politikë

Rama: Të lumtur që lëshuam lejen për ndërtimin e Xhamisë Qendrore në Prishtinë

news image

Kryetari i komunës së Prishtinës, Përparim Rama, ka bërë një postim në rrjetin e tij social në Facebook, i cili ka shkruar se komuna është e lumtur që pas 10 vjetëve është lëshuar leja për ndërtimin e Xhamisë Qendrore, raporton Gazeta Sinjali.

Rama thotë se janë të gëzuar që më në fund është marrë vendimi për ndërtimin e xhamisë.

“Procesin e ndërtimit të ‘Xhamisë’ më në fund e kemi vënë në binarët e duhur! Ky proces u shoqërua me procedura të stërzgjatura, me pajisjen e BIK-ut me kushtet ndërtimore në vitin 2017, të cilat u plotësuan me ndryshime më vonë në vitin 2020, kur edhe u pajisën me lejen për sigurimin e gropës së gërmimit”, shkroi ai.

Ai shton se qytetarët e Dardanisë dhe Ulpianës do të gëzojnë të drejtën të praktikojnë fenë e tyre në mënyrë të dinjitetshme.

“Qytetarët e lagjeve ‘Dardania’ e ‘Ulpiana’ duhet ta gëzojnë të drejtën të praktikojnë fenë e tyre në mënyrë të dinjitetshme. Andaj, jemi të lumtur që më në fund, këtë proces sot e përmbyllëm me lëshimin e lejes ndërtimore për ndërtimin e këtij objekti fetar!”, tha Rama.

/GazetaSinjali/