Ministri për Komunitete dhe Kthim, Goran Rakiq, është deklaruar rreth prezencës së njësisë Speciale të Policisë së Kosovës në veri dhe vendosjen e reciprocitetit ndaj Serbisë sa i përket targave të automjeteve, transmeton Gazeta Sinjali.

Ai gjatë protestës së qytetarëve serb në atë pjesë të vendit ka thënë se protesta e tyre është reagim i qytetarëve të shqetësuar për të ardhmen e tyre.

“Ky nuk është një aksion, ky është një reagim i njerëzve që janë të shqetësuar për të ardhmen e tyre, për fëmijët dhe familjet e tyre” , tha Rakiq.

Siç deklaroi ai, situata është e njëjtë në Zubin Potok, ku edhe qytetarë u mblodhën dhe po kërkojnë një shpjegim.

“Pse dikush po heq të drejtën për lirinë e lëvizjes dhe shprehjes?” Këto janë vlera evropiane, këtë na mësoi Bashkimi Evropian, dhe i bëj thirrje BE -së të përfshihet dhe të gjejë një zgjidhje”, shtoi ai.

“Ne gjithashtu informuam të Dërguarin Special Miroslav Lajçak dhe kërkuam ndihmën e BE-së. Dhe unë i bëj thirrje Presidentit Vuçiq të reagojë”, tha ai, raporton Kosovo Online.
/Gazeta Sinjali/