Guvernatori ushtarak rajonal, Serhii Haidai, ka thënë se disa qytete në rajonin lindor të Ukrainës në Luhansk janë goditur nga granatimet e rënda nga forcat ruse.
Disa nga qytetet e goditura përfshijnë Severodonetsk, Rubizhne, Lysychansk, Kreminna dhe Ivanivka, tha Haidai, kreu i administratës ushtarake rajonale të Luhansk në një deklaratë.
“Dy persona
vdiqën në Severodonetsk, banorë të Lysychansk dhe Toshkivka u plagosën dhe
katër persona u shpëtuan”, tha ai.
“Nuk ka furnizim të centralizuar me ujë në Rubizhne, Popasna,
Severodonetsk, pjesë e komunitetit Hirske dhe në Lysychansk. 28 vendbanime
mbeten pa furnizim me gaz dhe 22 pa energji elektrike”, shtoi tutje.
Forcat ukrainase kishin luftuar gjithashtu përpjekjet e trupave ruse për të anashkaluar pozicionet e tyre pranë vendbanimeve Popasna dhe Novotoshkivske, tha Haidai në një deklaratë të veçantë.
Guvernatori ushtarak rajonal tha në fillim të kësaj jave se përpjekjet ishin duke u zhvilluar për të evakuuar civilët nga qytetet e vogla në rajonin e tij, edhe pa marrëveshje të tilla me palën ruse.
