Qytetarët e Kosovës janë duke protestuar nga ballkonet e ndërtesave ku janë të izoluar për shkak të virusit COVID-19 që është përhapur edhe në Kosovë.

Qytetarët po përdorin mjete të ndryshme që nuk janë të rrezikshme e që krijojnë zhurmë për të shprehur revoltën.

Protesta po bëhet për shkak të situatës politike të krijuar në vend dhe panikut që është duke e përjetuar çdo shtetas i Kosovës.

 “Revolta dhe protestimi prej ballkonit e ka një simolikë të madhe dhe historike tek qytetarët e Kosovës. Gjatë viteve të 90-ta, qytetarët e Kosovës, nga ballkonet e dritatet e tyre kanë perdorur mjete të ndryshme të cilat krijojnë zhurmë për të shprehur revoltën ndaj sistemit shtypës të asaj kohe”, është thënë në thirrjen e shoqërisë civile për këtë protestë. /Gazeta Sinjali/