Sindikata e Bashkuar e Arsimit, Shkencës dhe Kulturës (SBASHK) ka nisur sot pushimin veror për grupin e parë të anëtarëve të saj, të cilët janë nisur për të kaluar disa ditë pushimi në bregdetin shqiptar.
Ky aktivitet është pjesë e traditës së SBASHK-ut për të organizuar pushime verore për anëtarët e saj, si një shenjë vlerësimi për përkushtimin e tyre në edukimin dhe arsimimin e brezave të rinj.
Në njoftim, SBASHK-u njoftoi se grupi i parë i anëtarëve, prej 130 vetash, tashmë ka nisur pushimin, ndërsa dy grupe të tjera do të nisen më 22 dhe 29 qershor. Në total, këtë vit do të përfshihen 437 anëtarë të sindikatës nga e gjithë Shqipëria, përfshirë edhe katër bashkëkombës nga Bujanoci. Pushimi do të zgjasë pesë ditë.
Përzgjedhja e pjesëmarrësve është bërë nga shoqatat sindikale, bazuar në kriteret e përcaktuara nga Këshilli Drejtues i SBASHK-ut.
Kryetari i SBASHK-ut, Rrahman Jasharaj, shprehu krenarinë që ky aktivitet vazhdon çdo vit, duke e konsideruar atë si një shenjë mirënjohjeje për kontributin e vazhdueshëm të këtyre individëve në zhvillimin e arsimit dhe kulturës.
Sinjali – aty ku e vërteta flet para lajmit!