Janë publikuar fotot e autobusit të sulmuar në Krushevc të Serbisë.

Siç shihet nga gjurmët, sulmuesit serbë kanë hedhur gurë dhe mjete tjera të forta me qëllim të shkaktimit të lëndimeve, ndaj udhëtarëve dhe shoferit të automjetit.

Ata në këtë mënyrë kanë penguar lëvizjen e lirë duke ndjellur ndjenjën e frikës dhe të pasigurisë tek udhëtarët.

Autobusi po barte mërgimtarët të cilët po ktheheshin në Gjermani pasi kishin kaluar pushimet në vendlindje.

Automjeti ishte i linjës Prizren – Frankfurt.

Sipas dëshmitarëve nga vendi i ngjarjes përveç dëmeve materiale nuk ka persona të lënduar.

Ministria e Punëve të Jashtme ende nuk ka dalë me ndonjë informacion për incidentin që u ndodhi kosovarëve në Serbi. /Sinjali/