Ndërmjetësuesit mes Shteteve të Bashkuara të Amerikës dhe Iranit kanë paraqitur një propozim për një armëpushim 10-ditor, me qëllim uljen e tensioneve dhe rikthimin e mundshëm të palëve në tryezën e negociatave.
Sipas raportimeve, marrëveshja e propozuar do të përfshinte ndalimin e përkohshëm të përplasjeve dhe lehtësimin e kufizimeve në Ngushticën e Hormuzit, një nga rrugët më të rëndësishme detare për transportin global të energjisë.
Tensionet mes dy vendeve janë përshkallëzuar pas sulmeve dhe përplasjeve të fundit, ku Irani ka akuzuar SHBA-në për agresion, ndërsa Uashingtoni ka kërkuar përgjegjësi nga Teherani për veprimet e tij në rajon.
Ende nuk është bërë e qartë nëse propozimi është pranuar nga të dyja palët. Nga Shtëpia e Bardhë është bërë e ditur se procesi diplomatik po vazhdon, ndërsa fokusi mbetet në çështjet e sigurisë dhe tensionet në rajon.
Nëse arrihet një marrëveshje, armëpushimi do të ishte një hap i parë drejt një dialogu më të gjerë mes Uashingtonit dhe Teheranit.
Sinjali – aty ku e vërteta flet para lajmit!