Prokuroria Themelore në Pejë ka kërkuar caktimin e masës së paraburgimit ndaj dy personave të arrestuar nën dyshimin për përfshirje në veprën penale “Marrja ose dhënia e ryshfetit lidhur me votimin”.
Sipas njoftimit, rasti dyshohet të ketë ndodhur në fshatin Gorazhdevc të komunës së Pejës gjatë procesit zgjedhor, ku të dyshuarit janë arrestuar nga Policia e Kosovës.
Prokuroria ka bërë të ditur se në bashkëpunim me organet e rendit po vazhdon ndërmarrjen e veprimeve hetimore për zbardhjen e plotë të rastit dhe sigurimin e provave relevante.
Institucioni i akuzës ka theksuar se mbetet i përkushtuar në mbrojtjen e integritetit të procesit zgjedhor dhe në ndjekjen e çdo veprimi që cenon votën e lirë dhe proceset demokratike.
Sinjali – aty ku e vërteta flet para lajmit!