Ka nisur konferenca statusore në çështjen e ish-eprorit të Ushtrisë Çlirimtare të Kosovës, Salih Mustafa në Hagë, shkruan Gazeta Sinjali.
Mustafa nuk po merr pjesë në këtë seancë gjyqësore. Këtë e ka konfirmuar në seancë, avokati i tij, Julius Von Bone.
Prokurori nga Zyra e Prokurorit të Specializuar deklaroi se presin që në mesin e shkurtit ta dorëzojnë dosjen paraprake të hetimin në rastin Mustafa.
“Ne mendojmë si Prokurori që të përfundohet faza paraprake në shkurt dhe të vazhdohet me dorëzimin e dosjes paraprake sipas rregullës 95/4. Ne themi që do ta dorëzojmë këtë dosje më 15 shkurt dhe duhet të përpiqemi ta fillojmë çështjen më 15 mars 2021”, tha prokurori.
Kjo është seanca e katërt me radhë që po mbahet ndaj Salih Mustafës.
Gjatë kësaj seance është paraparë që të diskutohet për rrjedhën e procedurës dhe të mësohet nëse ZPS i ka ofruar mbrojtjes të gjitha provat dëshmuese dhe cilat prova kanë mbetur pa u zbuluar.
Në këtë seancë pritet gjithashtu që Zyra e Prokurorit të Specilizuar të tregojë nëse i ka përfunduar hetimet në rastin e Mustafës, apo se kur pritet t’i përfundojë ato.
“Ne mendojmë si Prokurori që të përfundohet faza paraprake në shkurt dhe të vazhdohet me dorëzimin e dosjes paraprake sipas rregullës 95/4. Ne themi që do ta dorëzojmë këtë dosje më 15 shkurt dhe duhet të përpiqemi ta fillojmë çështjen më 15 mars 2021.”
Salih Mustafa u arrestua në shtator të vitit 2020 nga EULEX-i dhe po akuzohet për krime lufte dhe krime kundër njerëzimit, që përfshijnë vrasje, tortura e trajtim çnjerëzor.