Gazeta Sinjali sot publikoi një video, në të cilën shiheshin dy vajza të cilat kanë dalë në xhamat e një taksie dhe vallëzojnë derisa vetura është në lëvizje në qendër të Prishtinës.
Nga kompania e taksive “Roberti” kanë thënë për Gazetën Sinjali se e kanë pushuar nga puna shoferin i cili po voziste taksinë, në të cilën po vallëzonin të rejat.
Menaxheri i kësaj kompanie bëri të ditur se me rastin po merret edhe Policia.
“Po, edhe Policia dhe ne jemi duke u merr me këtë problem. Këtij vozitësi i ndërpritet marrëdhënie e punës në kompaninë tonë, automatikisht”, tha ai.
Më poshtë mund të shihni videon në fjalë: