Kryeqyteti i Kosovës ka gdhirë sot me pamje të shëmtuara.

Disa nga rrugët e qendrës së Prishtinës kanë qenë të mbuluara me mbeturina.

Sinjalizuesit kanë dërguar në adresën e redaksisë Sinjali foto nga rruga “Rexhep Luci” dhe ajo “Luan Haradinaj” përballë stacionit të Policisë Qendra, ku shihen një numër i madh mbeturinash nëpër rrugë dhe kontejnerë të stërmbushur me bërllok.

Ata kanë thënë se për pasojë në këtë pjesë të qytetit po kundërmon erë e rëndë.

Siç duket, kjo gjendje ka kaluar pa vërejtur dhe nuk i ka lënë përshtypje ekipeve të kompanisë së pastrimit të cilat as që e kanë prishur rehatinë në këtë ditë vikendi. /Sinjali/