Këngëtarja shqiptare me famë botërore, Dua Lipa, sot pritet të nderohet zyrtarisht nga Posta e Kosovës, pasi do të promovohet pulla postare me emrin e saj.
Pjesëmarrëse në ngjarje do të jetë vetë këngëtarja shumë e dashur nga publiku.
Kështu ka bërë të ditur shefi i Administratës dhe Protokollit dhe kryesuesi i komisionit për aprovimin e pullave postare, Kamber Demaku.
Ndryshe, Dua dje u shpall Ambasadore Nderi e Republikës së Kosovës nga presidentja e vendit, Vjosa Osmani.