Policia e Kosovës ka njoftuar se Drejtoria për Hetimin e Trafikimit me Narkotikë pas hetimeve intensive , sot në rajonin e Mitrovicës së Veriut, është duke realizuar një operacion policor antidrogë, raporton Sinjali.
Sipas njoftimit, Antidrogën po e asistojnë edhe disa njësi tjera relevante policore.
“Policia e Kosovës në fushën e parandalimit, hetimit dhe zbulimit të trafikimit me narkotikë edhe gjatë vitit të kaluar ka ndërmarr disa operacione të suksesshme policore ku janë konfiskuar sasi e konsiderueshme e substancave të dyshuara narkotike, janë zbuluar laboratorë droge, janë arrestuar numër i madh i personave të dyshuar, si dhe janë shpartalluar grupe të ndryshme kriminale në mbarë vendin.
Lidhur me rezultatet apo detajet e këtij operacioni të antidrogës do të njoftoheni me kohë pas pranimit të raporteve apo informatave nga njësitet në teren.”, thuhet në njoftim.
Sinjali do të ju mbajë të informuar për detajet e reja.