Gazeta Sinjali sot raportoi për një incident në pikën kufitare mes Kosovës dhe Serbisë në Jarinje, ku një plumb qorr ka përfunduar në kioskën e Policisë së Kosovës në këtë pikë kufitare.

Edhe Policia e Kosovës e ka konfirmuar raportimin e Sinjalit dhe ka dhënë detaje.

Postimi plotë:

Informacion zyrtar

Policia e Kosovës, përmes zyrtarëve kufitarë ka pranuar informacion se në pikë kalimin kufitar Jarinje, sot në orët e pasditës, një predhë e fishekut të armës së zjarrit ka goditë një kontenjerë i cili sherben për zyrtarët kufitar të policisë kufitare dhe doganierëve të RKS.

Bazuar në informacionet e para, predha dyshohet se ka ardhë nga drejtimi i fshatit Tusnica i Serbisë.

Nuk raportohet për ndonjë person të lënduar, përderisa hetimet lidhur me rastin kanë filluar.

Puna dhe qarkullimi në këtë pikë kalim kufitar të përbashkët e cila gjindet në territorin e Serbisë, sipas marrëveshjes për menagjim të integruar të kufirit po vazhdon pa problem./GazetaSinjali/