Policia e Kosovës për rajonin e Prishtinës ka dhënë detajet e para pas aksidentit në qendër të Prishtinës.

Në këtë aksident, sipas Policisë kanë qenë të përfshira nëntë vetura

Në aksidentin e sotëm që ka ndodhur në rrugën “Agim Ramadani” në Prishtinë, sipas policisë së Kosovës përveç kamionit kanë qenë të përfshira edhe nëntë vetura tjera.

Kështu ka bërë të ditur zëdhënësja e Policisë për rajonin e Prishtinës, Flora Ahmeti.

“Rreth orës 13:00 kemi pranuar informatën për një aksident trafiku në rrugën “Agim Ramadani” në Prishtinë. Në këtë aksident kanë qenë të përfshirë 9 vetura dhe një kamion”, ka deklaruar Ahmeti.

“Si pasojë e aksidentit deri më tani ndihmë mjekësore u është ofruar  tre personave. Me rastin po merren njësitet përkatëse të policisë”, ka thënë tutje ajo. /Sinjali