Disa persona kanë shtënë nga vetura me armë zjarri në rrugën “Fehmi Agani” në Prishtinë, në afërsi të selisë qëndrore të Partisë Demokratike të Kosovës.
Një gjë të tillë e ka bërë të ditur për Sinjalin zëdhënësja e Policisë së rajonit të Prishtinës, Flora Ahmeti, e cila ka dhënë detaje.
“Rreth orës 21:30 është raportuar për një gjuajtje me armë zjarri në rrugën “Fehmi Agani” në Prishtinë.
Menjëherë pas marrjes së informatës policia ka dalë në vendin e ngjarjes dhe ka nisur hetimet lidhur me rrethanat që karaketrizojnë rastin.
Informatat e para flasin për dyshimet se persona të dyshuar nga një veturë kanë shtënë në drejtim të një personi dhe me shpejtësi janë larguar nga vendi i ngjarjes. Fatmirësisht nga të shtënat nuk ka pasur persona te lënduar.
Aktualisht po vijon puna policore për identifikimin e të dyshuarve si dhe lokalizimin e vendndodhjes së tyre.”