Policia e Kosovës ka intervistuar sot një ish-zyrtar komunal në Mitrovicë dhe një zyrtare të njërës nga drejtoritë e komunës.

Zëdhënësi i Policisë së Kosovës, Baki Kelani ka konfirmuar për Sinjalin se të dy janë intervistuar mbi dyshimet për keqpërdorim të detyrës. 

“Mund të konfirmojmë se, sot janë intervistuar një ish zyrtar dhe një zyrtare e një Drejtorie në Komunën e Mitrovicës,  për dyshime të keqpërdorimit të detyrës zyrtare”, ka thënë Kelani.

Ka treguar se të njëjtit pas intervistimit janë liruar në procedurë të rregullt./Sinjali/