Pamjet e një polici britanik që godet brutalisht në kokë një të ri pakistanez kanë ngjallur protesta për brutalitetin e policisë në aeroportin e Manchesterit.
Qindra protestues u mblodhën jashtë në Rochdale pasi pamjet u bënë virale në rrjetet sociale.
Policia tha se ata e kuptonin “ndjenjën e madhe të shqetësimit që ndiejnë njerëzit”.
Ata janë veçanërisht të indinjuar në komunitetet myslimane dhe pakistaneze sepse viktima e sulmit i përket kësaj pakice.
Videoja, e cila është marrë në Terminalin 2 të aeroportit të martën mbrëma, tregon një oficer policie me elektroshkop në dorë dhe më pas duke e shkelmuar në kokë burrin që është i shtrirë me fytyrë poshtë në dysheme, me një grua të gjunjëzuar pranë tij.
Policia njoftoi më herët se i është përgjigjur një sulmi të ndodhur në aeroport.
Gjatë intervenimit, policia njoftoi se janë sulmuar tre policë. Një polic ka pësuar lëndime në hundë, ndërsa policët e tjerë janë rrëzuar përtokë dhe kanë marrë lëndime që kanë kërkuar trajtim spitalor.
Policia shtoi se katër persona u arrestuan në vendngjarje pasi u përleshën dhe sulmuan punonjësit e shërbimit të urgjencës.